अंकशास्त्र: जन्मांक 7 जन्मतारीख 7, 16, 25

Please follow and like us:

महावीर सांगलीकर

Numerologist, Graphologist
Phone Number 8149703595

(सूचना: प्रत्येक व्यक्तीवर जन्मांकाबरोबरच इतर कोअर नंबर्सचा देखील प्रभाव असतो, त्यामुळे जन्मांकाचे गुणदोष कमी-जास्त होऊ शकतात. जन्मांक म्हणजे सर्व काही नव्हे ही गोष्ट नेहमी लक्षात ठेवावी. या लेखात दिलेली माहिती प्राथमिक स्वरूपाची आहे. एखाद्या व्यक्तीचे सम्यक विश्लेषण करण्यासाठी आणि परफेक्ट लकी नंबर्स, लकी करिअर्स निवडण्यासाठी प्रत्येक व्यक्तीच्या पूर्ण न्यूमरॉलॉजी चार्टचा विचार करायला लागतो).

कोणत्याही महिन्याच्या 7, 16 किंवा 25 तारखेस जन्म झालेल्या सर्व व्यक्तींचा जन्मांक (Birth Number) 7 असतो.

7 हा अंक ज्ञान, विज्ञान, संशोधन, शिक्षण, अमूर्त संकल्पना, निरीक्षण, विश्लेषण यांच्याशी संबधीत आहे. हा जन्मांक असणाऱ्या व्यक्ति जास्त करून वरील क्षेत्रात आघाडीवर दिसतात.

जन्मांक 7 असणाऱ्या व्यक्तिंचे वैशिष्ठ्य म्हणजे या व्यक्ति अंतर्मुख असतात. त्या वरून शांत दिसतात, पण मनातून बेचैन असतात. या व्यक्ति सतत कांहीतरी विचार करत असलेल्या दिसतात. त्यांना एकांताची आवड असते, आणि अगदी कामाच्या ठिकाणीही एकांताचा अनुभव घेण्याचे कसब त्यांच्याकडे असते.

यांची आकलन शक्ती आणि समज चांगली असते, त्यामुळे कोणताही नवा विषय त्यांना चटकन आणि सहज समजतो.

आपले काम ही त्यांच्यासाठी सगळ्यात महत्वाची गोष्ट असते.

या व्यक्ती निरीक्षण आणि विश्लेषण करण्यात पटाईत असतात. यांच्या नजरेतून एखादी गोष्ट सुटणे अशक्य असते. त्यामुळे या व्यक्ती संशोधक, तपास अधिकारी, गुप्तहेर म्हणून चांगले काम करू शकतात.

यांच्याकडे गुपिते राखण्याचे कसब चांगले असते.

यांचे व्यक्तिमत्व भारदस्त असते, हे सहसा वजनदार असतात आणि यांचा आवाजही भारदस्त असतो. तुम्हाला जन्मांक 7 असणारी पण किरकोळ शरीरयष्टीची व्यक्ती सहसा सापडणार नाही.

या व्यक्ति कोणताही निर्णय खोलवर विचार करून घेत असतात. त्यांच्याकडे इंट्यूशन पॉवर असते, त्यामुळे इतरांना सहसा लक्षात न येणाऱ्या पुढील काळात होऊ शकणाऱ्या गोष्टी यांच्या चटकन लक्षात येतात.

यांच्याकडे उच्च दर्जाची आध्यात्मिकता असते. त्याचबरोबर दुसऱ्यांना बरे करण्याची क्षमताही (Healing Power) त्यांच्याकडे असते.

जन्मांक 7 जन्मतारीख 7, 16, 25

सहसा हे लोक समाजापासून अलिप्त रहातात आणि कामाशिवाय फारसा कुणाशी संबंध ठेवत नाहीत. सामाजिक कामांमध्ये हे लोक सहसा दिसत नाहीत.

स्वत:मध्ये मग्न आणि स्वत:च्या कामात व्यस्त असल्याने या व्यक्तींचे आपल्या कुटुंबाकडे दुर्लक्ष होऊ शकते.

तुमचा जन्मांक 7 असेल तर वरील वैशिष्ठ्ये तुमच्यामध्ये उघडपणे मोठ्या प्रमाणात आलेली असतील, तर कांही वैशिष्ठ्ये सुप्त अवस्थेत असतील. पण जन्मांक म्हणजेच सर्व कांही नव्हे. तुमच्यावर 6 कोअर नंबर्सचा मोठा प्रभाव असतो, आणि जन्मांक हा त्यापैकी एक असतो. जन्मांक मुख्य करून स्वभाव वैशिष्ठ्यांशी संबंधित असतो.

जन्मांक 7 साठी लकी नंबर्स

लकी नंबर्स
7 हा अंक व आणि ज्या नंबरमधील अंकांची बेरीज 7 येते असे नंबर्स. (उदा. 727= 7+2+7= 16=1+6=7, म्हणून 727 हा त्यांच्यासाठी एक लकी नंबर आहे).

सुसंगत नंबर्स (Compatible Numbers)
1, 4, 5, 7, 9

विसंगत नंबर्स (Incompatible Numbers)
3, 6, 8

जन्मांक 7 साठी लकी करिअर्स

ज्ञान आणि विज्ञान, संशोधन, शिक्षण, इन्वेस्टीगेटिंग, ऍनालिसिस क्षेत्राशी संबंधित करिअर्स, व्हॉइस आर्टिस्ट, ऑकल्ट प्रॅक्टिसेस.

जन्मांक 7 असणाऱ्या कांही प्रसिद्ध व्यक्ति

रविंद्र नाथ टागोर Rabindra Nath Tagore — रविंद्र नाथ टागोर

सर आयझॅक न्यूटन, रविंद्र नाथ टागोर, मादाम मेरी क्युरी, सी. व्ही. रमण, अटल बिहारी वाजपेयी, महेंद्र सिंग धोनी, चार्ली चॅप्लीन, ब्लादिमीर पुतीन, इरफान खान, रामदेव बाबा, नौशाद, कमल हसन.