Tag: अंकशास्त्र

कोणत्याही महिन्याच्या 24 तारखेस जन्मलेली व्यक्ती कुटुंबवत्सल, प्रेमळ, जबाबदार, सर्वांना सांभाळून घेणारी, शांतीप्रिय, संवादकौशल्य असणारी, हार्डवर्किंग असते. त्याचप्रमाणे ती व्यक्ती आपल्या जीवनात अतिशय यशस्वी असते. त्या व्यक्तीचे हे गुण तिच्या चार्टमध्ये कोअर नंबर्समध्ये असलेल्या इतर अंकांनुसार कमी-जास्त होऊ शकतात.

प्रत्येक व्यक्तीमध्ये त्याच्या जन्मांकाशी संबंधित दोष उघड किंवा सुप्त अवस्थेत असू शकतात. कांही लोकांच्या बाबतीत हे दोष तीव्र प्रमाणात पाहायला मिळतात तर कांही लोकांच्या बाबतीत ते क्वचित किंवा कमी प्रमाणात दिसतात. दोषांची तीव्रता इतर कोअर नंबर्स कोणते आहेत यावर अवलंबून असतं.

जन्मांक 9 असणाऱ्या व्यक्ति मानवतावादी, दयाळू आणि क्षमाशील असतात. त्यांच्याकडे समाजाच्या भल्यासाठी लागणारी दूरदृष्टी आणि आदर्श असतात. या व्यक्ति नम्र आणि निस्वार्थी असतात. इतरांच्या भल्यासाठी त्याग करण्याची वृत्ती त्यांच्यात असते. ते उदारहृदयी असतात आणि आपल्याकडे जे कांही आहे ते इतरांना देण्याची त्यांची वृत्ती असते.

8 हा अंक कांही लोकांनी अतिशय बदनाम केला आहे. ज्योतिषांनी या अंकाचा संबंध शनि या ग्रहांशी जोडला आहे आणि शनीचे सगळे दुर्गुण या अंकाच्या माथी थोपले आहेत. चालडियन अंकशास्त्राची प्रॅक्टिस करणाऱ्या न्यूमरॉलॉजिस्टांनीदेखील (जे जास्त करून ज्योतिषी असतात) या अंकाचा संबंध शनिशी जोडून हा अंक बदनाम केला आहे.